Гасыр кешесе

Бүген районбызның иң өлкән кешесе Иске Ишле авылында гомер кичерүче Гаделҗан Хуҗиевның гомер бәйрәме 100 яшьлек юбилее. Тормышның барлык авырлыкларын күргән, үз җилкәсендә татыган юбиляр бүгенгесе көннән бик кәнагат. Юбилярны котларга район Башкарма комитеты җитәкчесе М.Р. Гафаров, авыл җирлеге башлыгы Р.У. Мухаметзянов, районның социаль яклау идарәсеннән, авылдашлары, туганнары, күршеләре килгән иде. Марат Ринатович,  Гаделҗан бабайга Россия Президенты В.В. Путинның, Татарстан Республикасы җитәкчесе Р.Н. Миннихановның котлау хатларын, үзенең кыймәтле бүләген тапшырып, юбилярга иң изге теләкләрен җиткерде.Гаделҗан Сәлимҗанович  илебез, районыбыз җитәкчеләренә үзенең рәхмәтләрен әйтте.. Без дә аңа исәнлек саулык телибез!