Котлы булсын юбилейлар!

Бүген Яңа Ишле авылында туып үскән Низамутдинов Нурислам Хамзиевичка 90 яшь тулды. Аны олы дата белән котларга  Чүпрәле муниципаль районы Башкарма комитеты җитәкчесе Сатдинов Данис Абдулхарисович һәм Яңа Ишле авыл җирлеге башлыгы Мухаметзянов Р.У. килде. Данис Абдулхарисович юбилярга Россия Президенты котлавын, Чүпрәле муниципаль районы  Башлыгы Гафаров Марат Ринатовичның бүләген тапшырды һәм Нурислам Хамзиевичка үзенең иң изге теләкләрен җиткерде. Татарстанның атказанган авыл хуҗалыгы хезмәткәре исемен йөрткән Нурислам ага бүгенге тормышыннан бик канәгать булып, илләргә - көннәргә тынычлык теләп җитәкчеләргә рәхмәтләрен җиткерде.